تبلیغات
اورمو اؤلکه سی

اورمو اؤلکه سی

نویسنده : admin جمعه 22 شهریور 1392, 18:27
وطن بیلمیشــــم سنـی                    گؤزل شهریم اورمو

جان تك سئومیشم سنی                   جانیم-جگریم اورمو


اولدون باباما دیــــــار                      گئری اوتوردو یادلار

چوخ قدیم تاریخــین وار                   اسگی اثریم اورمـو

 
جمعیتیـن وفــــــالی                         گؤرونمه‌دی جفـالی

دوزلو گؤلون صفــــالی                    عمّان-خزریم اورمو

 
سنینله جاغلانیبدیـــر                         اوره‌گیم ساغلانیبدیر

آدینلا باغـــــلانیبدیر                          دیوان-دفتریم اورمو.

یازان/ بهرام اسدی

*******************

Urmu

Vətən bilmişəm səni

Gözəl şəhərim Urmu

Can tək sevmişəm səni

Canım-ciyərim Urmu

********************

Oldun babama diyar

Geri oturdu yadlar

Çox qədim tarixin var

Əsgi əsərim Urmu


********************

Cəmiyəitin vəfalı

Görünmədi cəfalı

Duzlu gölün səfalı

Ümman-xəzərim Urmu


********************

Səninlə cağlanıbdır

Urəyim sağlanıbdır

Adınla bağlanıbdır

Divan-dəftərim Urmu.



دسته بندی : تورک شعرلر ,
برچسب ها : بهرام اسدی , اورمو ,


نویسنده : admin چهارشنبه 20 شهریور 1392, 01:27
کلیات علی آقا واحد ( جیبی )


قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

****
گوزومون نوری گئدیب دیزده یوخومدر طـاقـت
بـاخیـرام مـن ایشیـن ازوایشینــه هــر ســاعــت
گورورم هـردم ئـوزومـده بیـر عجـایـب حـالـت
گئجه لـر صبحـه کیمـی یـاتمـایـرام هیـچ راحـت
دوشمه یـر اینـدی جـوانلیـق الـه فـریـاد ئـولـورم

****

بیر کسیم قالمامیش عرض ائیله یم ئوز احوالیمی
درد چکمکدن آغارمیـش بـو قـارا سـاقـالیمـی
بیـر گــونــی ائیلمــه ز امــداد منــه اقبــالیمــی
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

****

گئتـدی الـدن نقـدر واریـم ایـدی جـاه و جـلال
ذرّه جـه قـالمـامیـش اصـلاً داهـا دولـت و مـال
آلیـب اطـرافیمـی لشگـر کیمـی انـدوه و مــلال
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

****

نئجــه آســوده اولــور درد و بــلادن بــاشیـــم
آغلاماقدان جوشوب عُمّانه دونوب گوز یاشیـم
همت ائتمـه ز منـه اصـلاً نـه قـوهـوم قـارداشیـم
بئلـه بیـر گـونـده کـه هشتـادی گئچیبـدر یـاشیـم
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

****

خوش او گونلر که جونلیقدا جـلالیـم وار ایـدی
حق بیلیر کیم نـه قـدر دولـت و مـالیـم وار ایـدی
نـه ده بیـر بئیلـه منیـم درد و مـلالیــم وار ایــدی
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم





دسته بندی : تورک شعرلر ,
برچسب ها : علی آقا واحد , قوجالیق سالـدی ایـاقـدان منـی ,


نویسنده : admin جمعه 13 اردیبهشت 1392, 12:34

دئدیلر سانكی منه پان توركم!

من دئدیم سهو ائله دیز خان توركم


ائلیمین دوشمنینه اوخ سونگو

ائلیمین دوستونا من جان توركم


شانلی تاریخیم اولوب كئچمیشده

ائله­ین دونیانی حیران توركم


گون به گون شانیم اوجالماقدادی چون

شانلی دورانه گیرن شان توركم


منه جان جان دئیه­نه جان جان تورك

منه قان قان دئیه نه قان توركم


دایم انسانلیق اولوب آمالیم

انسانا سایقیلی انسان توركم


دده­مین اوغلویام ایلكین گوندن

دده­می من تانیاندان توركم


منه یولسوز دئمه­سین یولسوزلار

یولوم آیدیندی من اعیان توركم


بیر گون اولدومسا سومئر، بیر گون ماد

من اورارتو ایله مهران توركم


بیر گون ایلامدا من اولدوم مدنی

ماننایام قوتتی­یم اشكان توركم


اسلامین بیر زامان اولدوم قیلیجی

اسلاما جارچی مسلمان توركم


منه یولسوز دئیه نه ذولفقارام

سالارام مولكونه طوفان توركم


سلجوقام غزنوی یم من صفوی

افشارام درك ائله شیروان توركم


پارچا پارچا اولور آذربایجان

سانكی من بوردا سیخیلقان توركم


خوراساندان قوما، قومدان خلیجه

اصفهان شوش طبرستان توركم


لوت كویرینده سوسوز قالسام دا

بیر یاشیل اؤلكه­ده گیلان توركم


كرمان اولموشدو منه تورك وطنی

چارماحال ایله خوزستان توركم


باخ او تنگستانین اوغلانلارینا

باخ خزر ساحلی توركمان توركم


گیروه كوردستانا پای اولموشسا

آتمارام قزوینی تهران توركم


ایندی یاد اوغلو منه یاد دئمه­سین

گؤزو گؤرسون بوتون ایران توركم


تولكو آسلان ایله گیرمز ساواشا

گئری دورسون كی من اسلان توركم


بیر قیغیلجیم اونا اود پوسگورسم

دودمانی  گئدر آسان توركم


عاقل انسان كی دولاشماز توركه

یوخسا من یوردونا وولكان توركم


وطنیم یادلارا یورد اولمایاجاق

وطنیم ایچره خورامان توركم


یوردومون تورپاغینا گؤز تیكنی

ائله­ین گونده هراسان توركم


وطنیمدیر وطنیمدیر وطنیم

وطنیم آذربایجان توركم

 




دسته بندی : تورک شعرلر ,
برچسب ها : بهرام اسدی , پان ترک ,


نویسنده : admin جمعه 13 اردیبهشت 1392, 12:24

 سنین سن‏لیگینی سنده قورویان

آتالاردان قالمیش آنادیلین‏دیر

 گؤزل‏لیك ایسترسن وار گؤزل‏لیگی

درین‏لیك ایسترسن بو دیل درین‏دیر

 

 شیرین‏لیك ایسترسن شیرین‏دیر بالدان

اسرك‏لیك ایسترسن اسرك اولورسان

 دویغو افاده ‏سی بو دیلده آسان

سهو ائدیر كیم دئسه بو دیل چتین‏دیر

 

 سفره‏ سی نعمتی اولان دیلیمین

شاعر طبیعتی اولان دیلیمین

 دیل‏لرجه قدرتی اولان  دیلیمین

نه ‏دن سه اوجاغی بئله سرین‏دیر

 

  سرین اوجاغینا اودون اولاریق

عالمه بیر یئنی هارای سالاریق

 اونسوز خزل‏لنیب اونسوز سولاریق

قوشلارین دا سسی اونسوز حزین‏دیر

 

 منیم‏له آغلاییب - گولمك ایسته ‏سن

گؤزومون یاشینی سیلمك ایسته ‏سن

 كؤنلومون سیررینی بیلمك ایسته ‏سن

آنامین دیلینده گل منی دیندیر.



دسته بندی : تورک شعرلر ,
برچسب ها : آنامین دیلی , بهرام اسدی ,


نویسنده : admin جمعه 13 اردیبهشت 1392, 12:20

دانیشانلار بیر-بیر سوسور، دانیشدیقجا سازیم منیم

مجلس اهلی قیشدان چیخیر، چون دانیشیر یازیم منیم

توخوناندا مضراب تئله، روحوم گئدیر اسگی ائله

دورنالاریم قاتارلانیر، قاققیداییر قازیم منیم

 

بو ساز بیر عالیجنابین، عزیز وجودون سازیدیر

كیمسه نی مأیوس ائیله مز، قلبه اومودون سازیدیر

اوزانلاردان بیزه گلن دده م قورقودون سازیدیر

ایلاملاردا «شكیل»لیدیر، اورخونلاردا «یازی»م منیم

 

خسته قاسیمدا دیللنیب، «غربتی»سین چالیب غریب

«یانیق كرمی»ده كرم آیریلیقلاری سؤیله ییب

آلی-علعسگردن گلیب، عدالته اولوب نصیب

چنگیزین بارماقلاریندا اوزه چیخیر نازیم منیم

 

دونیالارا اون وئریرم، سرحدلری آشیر سسیم

سسیم بیر ایلاهی سسدیر، بو سس منیم مقدّسیم

دالغالانیر بایراغیمدا اسیر بو سس اسیم-اسیم

وارم بودور اوتانمارام، چوخوم منیم، آزیم منیم.




دسته بندی : تورک شعرلر ,
برچسب ها : سازیم منیم , بهرام اسدی ,


[ 1 ]  [ 2 ] 

موضوعات
» اخبار اورمیه (903)
» اخبار بحران دریاچه اورمیه (1021)
» پروژه های عمرانی،خدماتی اورمیه (548)
» پروژه های عمرانی،خدماتی استان (172)
» سیاسی (178)
» اقتصادی (529)
» اجتماعی (323)
» ادب،فرهنگ و هنر (133)
» علمی، آموزشی (201)
» پزشکی،سلامت (204)
» میراث فرهنگی و گردشگری (401)
» حوادث و سوانح (227)
» هواشناسی (224)
» محیط زیست (261)
» گزارش تصویری (301)
» والیبال برتر (1077)
» ورزشی (218)
» اخبار ایران و جهان (218)
» وقایع تاریخی ایران و جهان (19)
» وقایع تاریخ آذربایجان (18)
» وقایع تاریخی اورمیه (10)
» تورک دیلی (8)
» نام آوران اورمیه (88)
» نام آوران آذربایجان (127)
» آذربایجان فولکلوری (11)
» آذربایجان دبلری (19)
» مذهبی دبلر (31)
» اورمو عاشیقلاری (19)
» موسیقی آذربایجانی (19)
» تورک شعرلر (7)
» استاد شهریار+شعر و عکس (10)
» داستان ها و افسانه های آذربایجان (8)
» فرودگاه اورمیه (3)
» دانشگاه اورمیه (10)
» امام زاده ها - مساجد تاریخی (24)
» بناهای تاریخی اورمیه (104)
» پارک های اورمیه (17)
» حمام های قدیمی اورمیه (5)
» دره ها-آبشارها -چشمه ها (18)
» قلعه ها -تپه ها-غارها (22)
» کلیساهای اورمیه (17)
» کتیبه های تاریخی اورمیه (7)
» مراکز اقامتی و تفریحی اورمیه (12)
» مقبره های اورمیه (10)
» موزه های اورمیه (12)
» در باره اورمیه (12)
» سوغات،صنایع دستی،غذاها (19)
» جاذبه های گردشگری و طبیعی اورمیه (60)
» گالری عکس بازار اورمیه (8)
» گالری عکس دریاچه اورمیه (33)
» گالری عکس اورمیه (60)
» گالری عکس اورمیه قدیم (11)
» آثار طبیعی آذربایجان غربی (36)
» آثار تاریخی آذربایجان غربی (104)
» گالری عکس سایر مناطق آذربایجان (25)
» تصاویر دیدنی (40)
» کلیپ شعرای آذربایجان (5)
» کلیپ اورمیه (5)
» کلیپ موسیقی آذربایجانی (7)
» کلیپ ورزشی (8)
» کلیپ های متفرقه (10)
» دانلود فایل های صوتی (5)

صفحات

پیوندهای روزانه

نویسندگان

» admin (6558)

آمار بازدید


کل بازدید ها :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل مطالب :
آخرین بروز رسانی :